كدا منبقاش شهداء

بعد حادثة شهداء نجع حمادي سمعت جملة
من احد ادقائي ( يا رتني كنت معاهم) بعد حادثة كنيسة القديسين سمعت نفس
الجملة بس من شخص اخر( يا بختهم ويا رتني كنت معاهم ) الغريب ان الكنائس في
حادثة القديسين امتلئت جدا جدا وقولت خير الحمد لله كنايس المسيح رجعت
مليانة ايمان رجعت مليانة قوة وحب وشعب بيرج الكون بايمانه شوية ورجعت ريما
لعادتها القديمة واسوء جدا جدا الكنايس فضيت القداسات مفيهاش ناس
الاجتماعات بتهوي الخدمات ضعيفة والخدام في التوهان - سوري ان بتكلم بلغة
الجيل علشان نفهم بعض اسهل ومتفتكرونيش اني بتنطط عليكم - رجعنا تاني نغلط
نفس الغلطات رجعنا تاني لوقفة الحوش ادام الكنيسة ورجعنا تاني للرغي في
القداسات ورجعنا تاني للإدانة وادانة الاخرين رجعنا تاني نكره بعض .......
طيب سؤال لو احنا واقفين في كنيسة في قداس بنرغي ونلك وندين ونكره وجه
حادثة زي بتاعة القديسين بذمتك الناس اللي بتعمل كدا هتبقى شهداء ولا دي
هتكون دينونتهم ..... بزمتكم ولد او بنت واقفة في الحوش بتلعب وتهزر وربنا
اراد انها بعد الشر يموت او تموت مع القديسين اللي واقفين ادام جسد المسيح
ودمه بمنتهى الخشوع يتحسبوا شهداء ....... عيشوا اولا بنفسية الشهيد وروح
الشهيد وعقلية الشهيد ساعتها فقط هتبقوا شهداء عايشين على الارض .... موتوا
عن كل ما هو شرير وجسداني ادانة وكره وغش ساعتها هتبقوا شهداء وتستحقوا
لقب شهيد حتى من غير موت .
(تأمل من تأملاتي)

شكرا ليك

كدا منبقاش شهداء

كدا منبقاش شهداء

رد: كدا منبقاش شهداء