الطرق التى تقوى ارادة الأنسان

اسأل نفسك سؤال :
هل انت مقتنع بالوضع الى انت فيه ؟ فكر كويس .. لو قلت انا مقتنع يبقى مش
هاتتحرك .. لازم متخدعش نفسك و تجتهد فى انك تقتنع فعلا انك محتاج التغيير
الى الافضل .. و اتحدى نفسك .. و خلى الفكرة دى تيجى فى دماغك كل لحظة و كل
وقت .. انك قدامك هدف اسمه التغيير للافضل .. دى اول خطوة مهم

ة .. انك
تقتنع انك محتاج للتغيير . أنّ عزمك على فعل شيء أو تركه هو القوّة الدافعة
والمحرّكة ، فإذا كان عزمك وتصميمك قويين استجاب الجسد لأوامرهما وانصاع .
لو كان متسلّق الجبال قد فكَّر في الصعوبات فقط لما استطاع أن يصل إلى سفح
الجبل وليس إلى قمته

ثانيا :
حدد نقط ضعف ارادتك و اسبابها ( البيئة , الاصحاب , الفراغ , اللهو ) و فكر
فى المكاسب الى هاتحصل عليها بعد الخسائر الى انت فيها دلوقت … فكر فى
عواقب الوضع الحالى .. و شوف هاتبقى راضى عنها والا لا .. و فكر فى مكاسب
الوضع الجديد و شوف هى هاتخليك فى وضع احسن والا لا

ثالثا :
بعد ما حددت الاسباب لضعف الارادة فكر فى الطرق التى تعينك على التخلص من
الاسباب دى ( تغيير البيئة , تغيير الاصدقاء , اشغال وقتك بامور نافعة زى
القراءة او الكتابة او الرياضة او زيارات الاهل و الاصحاب او النشاطات
الاجتماعية التى تناسب وضعك و مهاراتك )
رابعا :
ابدأ بحرمان نفسك من بعض العادات الى انت واخد عليها بالتدريج و ابدأ
باستبدالها باشياء تعوض الحرمان ده .. و اشغل بيها وقتك و ذهنك .. يعنى
مثلا لو متعود تضيع وقتك فى سماع الاغانى و مشاهدة الكليبات و بس حاول تقلل
منها بالتدريج و تشوف هواية تانية او حاجة تانية شايفها متفقة مع مهاراتك
او شايفها مفيدة و ابدأ اعملها بالتدريج .. شيل من الاغانى شوية و حط فى
الهواية او العادة الجديدة شوية بالتدريج و مع الاصرار إذا جرّبت أن تغيّر
سلوكاً أو طبعاً معيناً ، أو كسرت عادة مألوفة فلم تعد أسيرها ولم تعد
تستعبدك ، فإنّ ذلك يعني أنّ لديك القدرة على تغيير سلوك آخر واجتناب عادة
أخرى ، كما يعني أنّ إرادتك قويّة ، وإنّك أنت الذي بدات تتحكّم بنفسك
وغرائزك وشهواتك مش هي التي تتحكّم فيك .
خامسا
غير بيئتك الى بتشجعك ترجع للماضى او العادات الى انت واخد عليها .. سواء
كان اصحابك .. او الادوات .. او الاماكن … ابعد قدر المستطاع عن الى يخليك
ترجع للى كنت فيه معاشرة الضعفاء ومسلوبي الإرادة تنقل عدوى الضعف
والانهيار ، فكذلك معاشرة الأقوياء وأصحاب العزائم تنقل بعض شحنات القوة
والجرأة التي يتمتعون بها .
سادسا :
اهتم بالغذاء الجيد و الصحة و النوم الجيد .. لان الغذاء الجيد و النوم
بالقدر الكافى هايخلى عندك حيوية و نشاط و قدرة على الحركة و قدرة على
الفعل و هاينشط ذكاءك و ذاكرتك و قدراتك .. لو صحتك مش كويسة اكيد ارادتك
هاتضعف لانك مش حاسس بالحيوية
سابعا :
اهتم بالرياضة و خصوصا المشى او الجرى .. حاول تعمل جدول لنفسك مع حد من
اصحابك تمشوا فيه كل يوم لفترة معينة و كل يوم تزود الفترة دى و تصر على
انك تمشيها حتى لو تعبان .. العب تمرينات رياضية او مارس نشاط رياضى و حاول
تطور لياقتك كل يوم و تصر على كده .. هاتلاقى الرياضة بتقوى ارادتك و
عزيمتك و اصرارك على الوصول لهدف . . و فى نفس الوقت هاتديلك حيوية و نشاط
اكتر و راحة نفسية اكتر و هاتشيل من جواك الاقتناع بانك مش قادر .
ثامنا :
حاول يبقى ليك نشاطات خيرية بقدر المستطاع .. حاجة بتساعد بيها الناس ..
حاجة بتساهم فيها و ليك فيها دور حيوى .. تخليهم يحسوا بدورك .. ده هايديلك
عزيمة انك تعمل اكتر لانك شايف ان الناس بتشجعك تعمل اكتر و عايزين منك ده
و شايفين انك كده هاتبقى احسن .
تاسعا :
جدول حياتك .. متسيبش يومك كده من غير اى تنظيم و زى ما تيجى تيجى .. اعمل
جدول و شوف امتى هاتذاكر او تشتغل .. و امتى هاتلعب رياضة .. و امتى
هاتقابل اصحابك … بلاش تسيب يومك كله للقعدة على القهاوى او التسلية فى اى
حاجة و خلاص .. نظم وقتك و اعمل جدول لكل حاجة عايز تعلمها .. حتى اكلك و
نومك اعملهم جدول و امشى عليه .. لو معرفتش تنظم وقتك مش هاتعمل اى حاجة
انت عايزها لانك مش تعرف تعلمها امتى .. سر نجاح الاجانب مش انهم ماشيين
على الموضة او متحررين .. سر نجاحهم تنظيم الوقت .. بتلاقيه وقت الشغل
بيشتغل بكل طاقته .. ووقت الترفيه بيعمل الى هو عايزه .. بنظم وقته و عارف
طريقه و محدد اهدافه .
عاشرا :
اخلق روح المناقشة مع الناس .. خد رايهم و استشير الناس الى شايفهم مثل
اعلى .. المناقشة هاتنمى قدرتك الذهنية و هاتفتح تفكيرك و معتقداتك على
حاجات انت مكنتش واعى ليها قبل كده و اكيد هاتساعدك تجارب الذين حاولوا
تغيير طباعهم ونجحوا تنفعك في معرفة الطرق التي استخدموها للوصول إلى
التغيير .
احدى عشر :
استبدل الكلمات التى تصيبك باليأس و الاحباط زى جملة انا مش هاقدر .. انا
معرفش .. انا و ربنا خلقنى كدا و مش هاتغير .. بجمل تشجعك .. زى انا هاقدر
اعمل اى حاجة .. كل الناس مكنتش تعرف و اتعلمت و عرفت .. ربنا مخلقنيش وحش
او مقدرش .. اكيد ربنا خلقنى علشان ابقى كويس و قادر … . الكلام الى بتوجهه
لنفسك ياثر على عقلك الباطن و ارادتك من غير ما تحس .. لازم توجه لنفسك
كلام يشجعها مش يحبطها .
اثنى عشر :
كل فترة اقعد مع نفسك و احسب كل انجازاتك و تقدمك و حاسب نفسك .. شوف
نتيجتك .. وشوف انت راضى عنها والا لسة .. و شوف ايه الى ممكن تعمله اكتر و
اكتبه فى خطتك علشان دايما تفتكره . فمنك يبدأ التغيير ، وعلى مقدار وعيك
وجهدك تحصل التبدلات الإيجابية . ضع قدمك على طريق التغيير .. وسوف تنجح فى
اكمال الطريق .